Backlink Kya Hai | What are backlinks in Hindi?

Apne Freinds ke Saath Share Jarur Karein

To aap bhi jan na chahte hai ki Backlink kya hai?

Aap jante hai ki Blog kya hai aur website kaise banayi jati hai.

Lekin ek website ko successful banane ke lie sabse jaruri hai Backlink.

Apne bahut jagah iske barein mai suna hai aur padha bhi hai…

Lekin fir bhi jyada kuch samjh nhi aaya ki akhir Backlink kya hai?

Jab maine Blogging start kari thi to mjhe bhi samjh nhi aata tha ki Backlink ka matlab kya hai… aur backlink kaise banaye…

To mai apki problem samjh sakta hun.

Ye Guide har Blogger ko dhyan mai rakh kar banayi gae hai.

Chahe aap Blogging mai naye (Beginner) ho ya fir Expert iss guide se sabko bahut kuch seekhne ko milgega.

To isse dhyan se padhna aur notes bana lena future ke lie.

Backlink kya hai

1. Backlink kya hai | What are Backlinks

Backlink ka matlab hota hai kisi aur ki site se apki site ko link milna.

Jaise meri site hai HindiTalks.in aur maan le apki site hai Yourwebsite.in

To agar aap apni site se meri kisi post pe link karte hai to meri site ko ek Backlink mil jaega.

Backlink in progress

Aab aap soch rahe honge ki mjhe kya jarurat hai kisi aur ki site pe link karne ki…

Haina?

To dekhiye:

Maan lijiye aap “Online paisa kamane ke tarike “ ke topic par post likh rahe hain.

Aab aap usme apne readers ko batate hai ki vo “Blogging se paisa kama sakte hai”.

Magar aap khud blogging ke barein mai jyada kuch nhi jante hain…

To ek accha blogger hone ke nate aap chahenge ki apne readers ko ek aise site pe refer kare jahan vo Blogging ke barein mai jan sake aur paisa kama sake to aap kya karenge ek achi si site dhundenge aur uska link apni post mai add kar denge.

Karenge na? Kya aap nhi chahte apke readers ko aachi se aachi jankari mile.

To iska yeh conclusion niklta hai ki:

Ek Blogger har cheez ke barein mai blogging nhi karta…

…to jab bhi vo kisi aise topic ke barein mai apne readers ko batata hai,

jiske barein mai vo khud jyada nhi janta…

to voh usse releated ek acchi site ka link apni post mai dal deta hai.

Jis site ka link vo dalta hai uss site ko ek Backlink mil jata…

Aab samjhe!

Haan thoda bahut…

Chinta mat karo! Iss post ko end tak padhlo sab samjh aane lag jaega.

2. Backlink Itne Important kyu hai? Why Backlinks are Important

Aab app samjh gae honge ki backlink kya hai lekin ye itne importnat kyu hai jante hai.

Google apne algorithms mai changes karti rehti hai, aur iss samay kisi bhi site ki ranking Google pe tabhi aachi ho sakegi jiski site pe Backlinks honge.

Google Backlinks se kya samjhhta hai:

Jab kisi site pe kafi saare Backlinks hote hai to Google ko isse pata lagta hai ki iss site ka content aacha hai aur logo ki problems isse solve ho rhi hai.

Google hamesha yehi chahta hai ki uske users ki problem solve ho jae.

Maan lijiye 2 sites hai jinme same topic par content hai:

Site A and Site B.

Site A par 10 backlinks hai aur Site B par 2 hi Backlink hai. To Google hamesha Site A ko jyada ranking dega.

Samjh rhe hai na ?

Backlink kitna important hai…

Chalo aab apko ek real life example se samjhata hun.

Maan lo apko kisi college mai admission lena hai. Aab apke pass 2 hi option hai.

College A and College B.

Aap logo se puchte hai, online unke barein mai review padhte hai to jyadatar log bolte hai ki College A jyada aacha hai College B se. To yakenan (obviously) aap College A mai jana pasand karenge.

Karenge ki nhi?

Isi tarah Google bhi sochta hai ki agar kisi site ko jyada Backlinks hai to vo dusri se aachi hogi.

Chalo ye to ho gae Backlinks ki tareef abb hum dekhenge ki

3.Backlinks lane ke tarike /  How to Get Backlinks to your site?

Aab apne ye to jan lia ki Backlinks kya hote hai aur ye kitne jyada jaruri hai.

Lekin apki site to abhi ek dum nayi bani hai, koi uske barein mai janta bhi nhi hai.

To fir apko koi Backlink kyu dega.

To chaliye dekhte hai Backlink Kaise banate hai.

A. Dusre Blogs par comment karke / Blog Commenting

Ye sabse easy tarika hai Backlinks pane ka. Aap jab kisi aur ki website pe comment karte hai to usse apko ek Backlink mil jata hai.

Bus dhyan rakhein:

Jab bhi aap comment karein to apni website ka link jarur dal dein. Link kahan dalte hai image mai dekhe.

 How to add website link through commenting

Jyadatar blogs mai comment ke saath apni website ka link dalne ka option aata hai iska pura fayda uthae.

Note: Aise hi websites par comment karein jinke Category same ho. Jaise agar aap ek Tech Blog chalate hai to Tech blogs par hi comment karein.

Aisa na karein ki Backlink ke chakkar mai kisi bhi website par comment karna start kar de.

B. Guest Post kar ke

Guest Post hota hai kisi aur site ke lie likhna, Backlink aur apne naam ko famous karne ke lie internet par.

Aap Guest post wali website dhund sakte hai aur unke lie ek aacha sa post likhein jaisa unhe chahiye aur iske badle vo apko ek Backlink de denge.

Jaise app Hindisehelp par Guest post kar sakte hai
Guest Post on Hindisehelp

Ye bahut aachi technique hai Backlink pane ki.

Haan aur ek baat dhyan rakhein aise website pe Guest Post na karein jo apki Category se match na karti ho.

Jaise agar app ek Cooking ke upar Blog chalate hai to kisi dusri Cooking wali website ke lie hi Guest post kare.

Guest Post se ek ye bhi fayda hota hai ki apko jyada log jan pate hai.

Jab aap kisi aur website ke lie post likhte hai to uss website ke readers bhi apko jan ne lag jate hai, isse app famous ho skte hai.

Jyada se jyada Guest post karein aur apni website ko Google par aachi ranking pe paye.

Aur bhi tareeke hai Backlink pane ke lie, lekin ye 2 sabse best hai.

4. Backlinks ke lie ye Kabhi na Kare / Things to Avoid to get Backlink

Jaise hi naye Bloggers ko pata lagta hai ki aacha Backlinks hi hai jo meri Website ko successful bana sakte hai to vo galat tarike se Backlink banana start kar dete jo ki bilkul sahi nhi hai aur isse unki site Google ban bhi kar skta hai.

A). Backlinks khareed ke:

Aise Bahut si site hai jo Backlink Bechti hai rupaiye lekar, inn logo se kabhi  Backlinks mat kharedna ye log bahut gande sources se apko Backlink provide karaenge. Jisse apki site kuch samay ke lie to aachi ranking paa legi fir jaise hi Google ko pata lagega ki app  ki site kuch to Gadbad kar rhi hai

Toh uske baad bhul jayein ki appki site kabhi acchi ranking par aaegi.

Aur kuch cases mai to site ko BAN bhi kar skta hai. To kabhi bhi Backlinks kharidne ki koshish mat karna.

B). Link Exchange mat karna

Aajkal kuch log Link Exchange karke Backlinks banana lag gae hai. Ye bhi Google ek spam ki tarah dekhta hai .

Link Exchange kya hota hai?

Jaise maan lo apki ek website hai aur mere bhi.

To aap mjhe bolte hai ki “App meri website ko ek link de do, aur uske badle mai bhi apko ek link de dunga”. To iise bolte hai Link Exchange.

Aisa na karein, iss cheez ko bhi Google allow nhi karta aur iske lie bhi apki site ki ranking Kharab ho skti hai.

C). Faltu site pe comment na kare

Jaisa ki maine upar bataya tha ki aap dusri sites pe comment karke Backlink paa sakte hai. Lekin kabhi bhi spammy sites pe comment na karein. Inn sites ka link apke ranking ko acchi karne ki bajae kharab kar dega.

Aur haan Blog commenting bhi ek limit mai karni chahiye aisa na ho ki app bahut jyada Backlinks pane ke chakkar mai har kisi website pe jake comment kare ja rahe hai.

Aise karne se bhi dur rahe.

Conclusion:

Hope apko ye post pasand aae hogi aur app samjh gae honge ki Backlink kya hai aur kitne important hai aur saath hi saath kaise banaye jate hai.

Comment Box mai apna experience jarur share karna.

Apne Freinds ke Saath Share Jarur Karein

2 thoughts on “Backlink Kya Hai | What are backlinks in Hindi?”

Leave a Reply

Your email address will not be published. Required fields are marked *