Blog Kya Hai | Blogging Ke Barein Mai Puri Jankari

Apne Freinds ke Saath Share Jarur Karein

Blog kya hai?? (What is Blog in Hindi)

Ajjkal har koi jan na chahta hai ki akhir blog kya hai??

Ajj mai apko simple si bhasha (language) mai bataunga blog ke barein mai jo apne kahin nhi padhi hogi:

Apko iss post mai kya-kya milega:

1. Blog kya hai?
2. Blog kitne prakar (type) ka hota hai?
3. Iske ke lie kin cheezo ka hona jaruri hai
4. Iske kya fayde hai

Agar inn sab cheezo ke alawa bhi apko blog ke barein mai koi jankari chahiye to app jarur mjhe bataein

1. Blog kya hai/hota hai?

Blog ko app ek diary ki tarah samjh sakte hai. Mann lijiye apke pass ek diary hai jisme app apni pasand ki cheezo ke barein mai likhte hain.

Agar hum isi diary ko online duniya ke samne rakh dein to vo blog keh laega.

Blog ke madhaym (medium) se app dusre logo ki madad (help) kar skte hai.

Jaise mann lijiye apko Photography karne ka shauk hai aur app camera ke barein mai kafi jankari rkhte hai. To app apni knowledge ko dusre logo ke saath blog ke jariye share karke unki help kar skte hai.

Isi prakar apko mobile se judi chhezo ke barein mai jankari ho to app uski knowledge dusro ke saath share kar sakte hai.

Ek blog ko maintain karne ke lie apko usme nayi aur interesting posts dalni padti hai.

Also Read: Website kya hoti hai

2. Blog Kitne Prakar he hote hai? (In Blog Kya hai?)

Blog ke kafi prakar hote hai:

Blogging kis topic par kare 25+ ideas

Jaise ki:

a). Personal Blog kya hai

Agar app apne roz marra ki jindagi ke barein mai batate hai to use kehte hai Personal Blog. Personal Blog ke andar app apni nizi jindagi ke barein mai baatein share karte hai. Jaise apko kya pasand hai aur app breakfast mai kya khate hai.

Sehatmand (Healthy) rehne ke lie app kya karte hai, app kon si jagah ghumna pasand karenge, apko konsi books pasand hai vagerah vagerah… to ye sab aata hai ek personal blog ke andar.

b). Tech blog/ Technology Blog kya hai

Iss tarah ke blog aajkal kafi famous hai. Tech blog mai app technology se judi jankari logo ke saath share kar skte hai.

App logo ko bta skte hai ki vo konsa mobile kharedein aur uski kya khasiyat hai. Usse judi technical chhezo ko logo ke saath share karna.

Logo ko computer ke barein mai jankari de sakte hai. Naye naye electronic gadgets ke barein mai bata skte hai.

Ajjkal log technology ki taraf kafi akarshit (attracted) hai islie iss tarah ke blog aajkal kafi lokpriya(famous)  hai.

c). Education Blog kya hai

Jaise ki appko naam padhke lag gya hoga ki Education blog kis barein mai hoga.

Fir bhi mera kaam hai apko batana, to haan iss blog mai app padhae (studies) se releated cheeze daal skte hai.

12th class ke baad kon kon se courses kar skte hai aur unke fayde

Jaise ki konsa college sabse aacha hai, vo kon kon se courses karwata hai.

Acche marks lane ke lie kya karna chahiye. Jo bhi padhai se releated hai sab cheeze isme aajati hai.

d). Lifestyle blog kya hai

Lifestyle ka matlab hota hai apka rehan sehan. App kis tarah se rehte hai.

Iss tarah ke blog se app logo ko behtar jeene ke tarike bata skte hai. Kis tarah se vo kam paise mai jee skte hai.

Simple tips paise bachane ki. Naye fashion ke barein mai bta skte hai aur bhi bht kuch.

e). Entertainment Blog kya hai

Iss tarah ke blog mai app, filmy dunia se releated jankaria logo ko bta skte hai.

Ya phr cricket ki dunia mai kya chal rha hai aur andar ki interesting baatein share kar skte hai.

Inn blog mai apko logo ko chatpati baatein batani padti hai jinhe padhke unka manoranjan ho ske.

To ye to the blog ke types…

Abb hum janege ki:

3. Blog ke lie kya kya chahiye: ( In Blog Kya hai?)

Blog chalane ke lie sabse badi chhez jo ek insaan ke pass honi chahiye to vo hai Likhne ki kala.

Agar kisi ko lagta hai ki usko likhne mai aur knowledge share karne mai maza aata hai to vo aaram se blog chala skta hai.

Iske alawa apko thoda bht computer ya phr smartphone chalana aana chahiye( aur agar nhi aata to gabrana nhi mai hun na).

Saath hi saath apme seekhne ki iccha honi chahiye. App blog chalana ekdum se nahi seekh sakte, sab chheze dheere dheere aati hai. Haan lekin agar app khub mehnat karte hai puri lagan ke saath to app ye bahut jaldi seekh sakte hai.

Blog chalana behad aasan hai.

4. Blog ke kya fayde hai (In Blog kya hai?)

Blog ke bahut saare fayde hai.

a).Inme se sabse bada yeh hai ki isse aap ghar baithe paise kama sakte hai. Aur itna kama sakte hai ki apko job karne ki jarurat nhi padegi.

b). Blog ke jariye badi badi companies, online dunia mai aake apna prachar(promotion) karti hai.

Chalo isse samjhte hai:

Mann lijiye apki ek Mithai (sweets) ki dukan hai jo ki apke ilake(area) mai kafi famous hai lekin app chahte hai ki uske barein mai pure shehar walo ko pata ho to app ek blog ke jariye uska prachar kar skte hai.

Aur fir vo na keval appke shehar walo ko balki puri dunia mai famous ho jaegi.

c). Isse apki likhne ki kala mai sudhar aata hai, agar app ek blog ko maintain karte hai. Roz usme nayi nayi posts dalte hai to usse apki likhne ki kala sudharti hai.

d). Appko nayi nayi chhezo ke barein mai jan ne ko milta hai. Jab app kisi cheez ke barein mai post dalte ho apne blog pe, to app chahenge ki apke visitors ko jyada se jyada aur ek dum perfect information de iske lie aap pehle khud thoda uske barein mai research karenge. Jisse apki knowledge bhi badhegi.

Mjhe lagta hai aab apko pata lag gya hoga ki Blog kya hai aur iske barein mai kafi kuch jankari mil gai hogi.

Agar apko kuch samjh na aaya ho to neeche comment karke jarur puche…

Mjhse direct contact ke lie yahan sampark kare Contact

Apne Freinds ke Saath Share Jarur Karein

2 thoughts on “Blog Kya Hai | Blogging Ke Barein Mai Puri Jankari”

Leave a Reply

Your email address will not be published. Required fields are marked *