No Follow And Do Follow Links Kya hai?

Apne Freinds ke Saath Share Jarur Karein

Agar apne abhi abhi Blogging start kari hai to bahut si jagah padha hoga ki iss link ko No Follow rakhein aur iss link ko Do Follow. Lekin aap samjh nhi paa rahein hai ki akhir No Follow And Do follow links kya hai?

Jab maine blogging start kari thi to mjhe bhi kafi diqqqat aae the par aab mai kafi aachi tarah janta hun ki ye kya hote hai.

Linking blogging ki duniya ka sabse jyada important part hai aur ye SEO ka ek bahut important part hai. Blogging mai bahut tarah ke link use mai aate hai jaise:

    • Internal Link
    • External Link
    • Backlink
    • Do follow and No Follow

Backlink apki website ki ranking ke lie bahut jyada important hai ise jarur se padh lijiyega.

Backlink kya hote hai? 

Internal link ka matlab hota hai jab aab apni website se apni hi website ke kisi post ko link karte hai to use internal link kehte hai.

External link ka matlab hota hai kisi apni website se kisi dusri website ko link dena. Isko yaad rakhne aage post mai kam aayega.

Chaliye aab jante hai ki:

NO FOLLOW AND DO FOLLOW LINKS KYA HAI?

Abhi upar hi maine apko bataya ki External Link ka matlab hota hai kisi dusre ki website ko link dena.

Jab aap kisi dusre ki website ko link dete hai to vo by default “Do Follow link” hota hai. Do Follow link ko Search Engine (jaise- Google) jyada value dete hai aur uske spiders uss link ko crawl (follow) kar skte hai.

Saath hi saath apki website par aane vale visitors bhi uss link ko ciick karke linked website par jaa skte hai.

Do follow link example:
<a href = “http://www.hinditalks.in/blog-kya-hai/“> Blog kya hai </a>

Jab bhi aap kisi website ko Do Follow link dete ho to aap apni website ka link juice bhi use dete hai. Jisse uski Website ki authority and page rank badhti  hai.

Aur Search Engine ko isse ye samjh aata hai ki linked website trusted hai.

NO FOLLOW LINK KYA HAI:

Jaise ki maine apko btaya jab bhi aap kisi dusri website ko link dete hai to vo by default Do Follow hota hai. Lekin hmesha do follow link dena apki website ke lie aacha nhi hai.

Aap kisi bhi link ko No follow mai change kar sakte hai.

No follow link ko google (search engine) ke spider crawl nhi karte hai aur isse apki website ka link juice bhi use nahi milta jabki apke visitors uss link ko click karke uss website par jaa skte hai.

Do follow link ko No Follow mai change karne ke lie apko bus itna sa kam karna hoga.

Do follow – <a href “www.google.com”> Google </a>
No follow – <a href “www.google.com” rel = “nofollow”>  Google </a>

Ye sab aap text editor mai jake kar sakte hai.

No Follow and do follow links kya hai

Jab aap Text editor ko click karenge to apko link kuch aesa dikhae dega.

Do follow link ko no follow mai convert karein

Dekhiye apko rel = “no follow” kahan pe add karna hai

do follow ko no follow mai change karein

Important Points to Remember

Konse Links ko Do Follow rakhein:
  • Jab aap kisi High Authority website ko link de rhe hain. Jaise – Wikipedia
  • Agar koi apke blog pe Guest post karta hai to uss author ko kam se kam ek do follow link de.
  • Aap kisi dusre ki website ki image ya infographic use karte hai to usko do follow link de.
  • Agar apko koi content bahut aacha lagta hai aur vo apki website ke topic se match karta hai to use bhi do follow link de sakte hain.
Konse Links ko “No Follow” rakhein:
  • Affiliate links hamesha No follow rakhein.
  • Kisi bhi aise sites jo ki illegal content dalti ho usse
  • Jab bhi kisi low authority wale blog ko link de use no follow kar dein.
  • Agar aap kisi aise website ko link de rhe hai jiska niche apke blog se alag hai to use bhi no follow link de.

Aab mai samjhta hun ki aap jab bhi koi nayi post likhenge to uske Links ke barein mai jarur dhyan rakhenge. Yaad rakhein Google aajkal bahut strict hota jaa rha hai aur apne niyam (rules) mai jaldi jaldi naye updates lata rhta hai.

To hmesha dhyan rakhein ki jin cheezo ko Google spam manta hai wo kabhi na karein. Varna apko iska kafi bada nuksan jhelna pad sakta hai.

Agar apko iss post mai kuch bhi samjh na aaya ho to comment section mai jarur puche. Ye website logo ki help karne ke lie hi banae gae hai. Iska pura fayda uthaein.

Apne Freinds ke Saath Share Jarur Karein

Posted in: SEO

Leave a Reply

Your email address will not be published. Required fields are marked *